پاکستانی سفارتخانے کی مداخلت کے بعد مونا خان کو رہا کر دیا گیا

خاتون صحافی مونا خان کو یونان میں پاکستانی پرچم لہرانے کے الزام میں گرفتار کیا گیا تھا۔

یونان میں پاکستان پرچم لہرانے کے الزام میں گرفتار پاکستانی خاتون صحافی اور ایتھلیٹ مونا خان کو رہا کر دیا گیا۔

ذرائع کے مطابق پاکستان گرفتار پاکستانی صحافی کو پاکستانی سفارتخانے کی مداخلت پر رہا کیا گیا۔

ترجمان دفتر خارجہ نے بیان جاری کرتے ہوئے کہا کہ مونا خان کو رہا کر دیا گیاہے جس کے بعد وہ ایتھنز روانہ ہو گئیں ہیں ۔

اس سے قبل دفتر خارجہ کی جانب سے جاری کر دہ بیان میں بتایا گیا تھا کہ پاکستانی سفارتخانے نے معاملے کا نوٹس لیتے ہوئے وکیل کی خدمات حاصل کر لی تھیں اور مونا خان سے جیل میں ملاقات بھی کی تھی ۔ پاکستان نے سفارتکاری کے ذریعے مونا خان کو رہا کروا لیا ہے ۔

یاد رہے کہ خاتون صحافی مونا خان اپنے بیٹے کے ساتھ یونان کے دورے پر تھیں جب انہیں پولیس نے پاکستانی پرچم لہرانے پر گرفتار کر لیا۔