برطانوی رائل ائیر فورس کا طیارہ تباہ ، پائلٹ ہلاک

برطانیہ کی رائل ائیر فورس کا طیارہ گر کر تباہ اور اس کا پائلٹ ہلاک ہو گیا ہے۔ برطانوی رائل فورس نے ہلاک ہونے والے پائلٹ کا نام فی الحال ظاہر نہیں کیا ہے۔ تاہم اس کی ہلاکت کی تصدیق کر دی ہے۔ معلوم ہوا ہے کہ طیارے کو تباہی سے لگنے والی آگ پائلٹ کے لیے جان لیوا ثابت ہوئی۔

غیر ملکی میڈیا رپورٹ کے مطابق برطانوی طیارہ دوسری جنگ عظیم کی یادگار تھا۔ اس کے تباہ ہونے کا واقعہ ہفتے کی دوپہر ایک بجے لنکن شائر میں پیش آیا ہے۔ طیارہ کریش ہونے کی اطلاع کے فوری بعد سکیورٹی سے متعلق ادارے ، پولیس اور ایمر جنسی سے نمٹنے والے ادارے متحرک ہو گئے اور موقعہ پر پہنچ گیا، جہاں طیارہ ایک میدان میں گرا ہوا تھا۔جبکہ اس کا پائلٹ ہلاک ہو چکا تھا۔

سکیورٹی اداروں نے ابھی تک اس ہلاک ہونے والے پائلٹ کا نام نہیں ظاہر کیا ہے۔ تاہم اتنا بتایا ہے کہ یہ مرد پائلٹ تھا۔ برطانوی وزارت دفاع کے ایک ترجمان نے اس واقعے کو انتہائی افسوسناک قرار دیتے ہوئے اس کا اعلان کیا اور بتایا پائلٹ کی ہلاکت ہو گئی ہے۔

دوسری جانب غیر ملکی میڈیا کے مطابق برطانوی وزارت دفاع کے ترجمان نے کہا ہم اس مشکل وقت میں پائلٹ کے احترام میں ان کی راز داری کا خیال رکھیں گے۔