اوگرا نے قدرتی گیس پر گھریلو میٹرز لگانے کی درخواست مسترد کر دی

آئل اینڈ گیس ریگولیٹری اتھارٹی (اوگرا) نے قدرتی گیس پر 25 ہزار گھریلو میٹرز لگانے کی درخواست مسترد کر دی۔

تفصیلات کے مطابق سوئی سدرن گیس کمپنی (ایس ایس جی سی) نے 25 ہزار گھریلو گیس کنکشنز کی درخواست کی تھی جس کے لیے 1 ارب 28 کروڑ روپے مانگے گئے تھے۔

سوئی سدرن گیس کمپنی کے مطابق وفاقی حکومت کی پابندی کے باعث 25 ہزار گھریلو کنکشن التوا کا شکار ہیں جن کی اجازت دی جائے۔ حکومتی پابندی کی وجہ سے مالی سال 2024-25 کے لیے نئے میٹروں کا تخمینہ نہیں لگایا گیا ہے۔

سوئی سدرن گیس کمپنی نے کہا کہ 350 کمرشل گیس میٹرز اور 120 صنعتی کنکشنز کو ری گیسیفائیڈ لیکویفائیڈ نیچرل گیس (RLNG) پر اجازت دی جائے۔

اوگرا اتھارٹی کا کہنا ہے کہ حکومتی پالیسی کو مدنظر رکھتے ہوئے نئے کنکشن پر غور کیا جائے گا۔