جی این این سوشل

موسم

ملک بھر میں رواں سال معمول سے زائد بارشوں کا امکان

ملک میں رواں سال جون سے اگست تک مون سون کی متوقع بارشوں کا آؤٹ لک جاری کردیا گیا

پر شائع ہوا

کی طرف سے

ملک بھر میں رواں سال معمول سے زائد بارشوں کا امکان
ملک بھر میں رواں سال معمول سے زائد بارشوں کا امکان

ملک میں رواں سال جون سے اگست تک مون سون کی متوقع بارشوں کا آؤٹ لک جاری کردیا گیا، رواں سال بیشتر مقامات پر معمول اور معمول سے زائد بارشوں کا امکان ہے۔

محکمہ موسمیات کے مطابق معمول سے زائد بارشوں کا زیادہ امکان وسطی اور شمالی پنجاب میں ہوگا، جنوبی سندھ میں بھی معمول سے زائد بارشیں ہوسکتی ہیں۔بلوچستان میں بھی رواں سال معمول سے کچھ زائد بارشیں متوقع ہیں، کے پی اور گلگت بلتستان میں رواں سال معمول کے مطابق بارش ہوسکتی ہے۔

محکمہ موسمیات کا کہنا ہے کہ مون سون کے دوسرے مرحلے کے مقابل پہلے مرحلے میں زائد بارشوں کا امکان ہے۔

محکمہ موسمیات کے مطابق ملک کے اکثر مقامات پر جون کے آغاز میں دن میں درجہ حرارت معمول سے زائد رہے گا۔ بارش کے بعد درجہ حرارت معمول پر آ جائے گا۔زائد درجہ حرارت کے باعث خیبر پختونخوا ، کشمیر اور گلگت بلتستان میں برف پگھلنے کا عمل تیز ہوگا۔

پاکستان

کالعدم ٹی ٹی پی کے سرغنہ کیخلاف قانونی کارروائی کا فیصلہ

متعلقہ تحقیقاتی اداروں نے نور ولی اور غٹ حاجی کی خفیہ آڈیو لیک کا فارنزک کروانے کا فیصلہ کیا

پر شائع ہوا

ویب ڈیسک

کی طرف سے

کالعدم ٹی ٹی پی کے سرغنہ کیخلاف قانونی کارروائی کا فیصلہ

حکومت نے  کالعدم تحریک طالبان پاکستان کے سرغنہ نور ولی محسود کے خلاف سخت قانونی چارہ جوئی کا فیصلہ کر لیا گیا۔

ذرائع کے مطابق متعلقہ تحقیقاتی اداروں نے نور ولی اور غٹ حاجی کی خفیہ آڈیو لیک کا فارنزک کروانے کا فیصلہ کیا ہے اور فارنزک رپورٹ کے بعد نور ولی اور غٹ حاجی کے خلاف ملک کے اندر اور باہر سخت قانونی چارہ جوئی کی جائے گی۔

ذرائع کا کہنا ہے کہ نور ولی کی افغانستان میں موجودگی اور پاکستان میں براہِ راست دہشتگردی کروانے پر افغان حکومت سے احتجاج اور دہشتگردوں کو پاکستان کے خلاف مسلسل دہشتگردی اور سنگین جرائم کرنے پر پاکستان کے حوالے کرنے کا مطالبہ بھی کیا جائے گا۔

یاد رہے کہ گزشتہ روز افغان میں روپوش ٹی ٹی پی کے سربراہ نور ولی محسود کی ایک مبینہ آڈیو لیک سامنے آئی تھی جس میں وہ پاکستان میں دہشتگردی کی ہدایات دے رہا تھا۔ مبینہ آڈیو میں احمد حسین کو ہسپتالوں ، سرکاری املاک اور سکولوں کو دھماکے سے اڑانے کی ہدایات دے رہا تھا۔

پڑھنا جاری رکھیں

علاقائی

بنوں واقعہ: کے پی حکومت کا شفاف تحقیقات کیلئے کمیشن بنانے کا اعلان

کمیشن شفاف اور غیرجانبدار تحقیقات کرکے رپورٹ پیش کرےگا، ذمہ داروں کےخلاف قانونی کارروائی کی جائےگی، بیرسٹر سیف

پر شائع ہوا

ویب ڈیسک

کی طرف سے

بنوں واقعہ: کے پی حکومت کا شفاف تحقیقات کیلئے کمیشن بنانے کا اعلان

پشاور: خیبرپختونخوا حکومت نے بنوں واقعے کی شفاف تحقیقات کیلئے کمیشن بنانے کا اعلان کر دیا۔

وزیر اعلیٰ خیبرپختونخوا علی امین گنڈا پور نے بنوں میں جاری صورتحال کا نوٹس لیا، وزیراعلیٰ نے بنوں واقعے کی شفاف تحقیقات کیلئے کمیشن بنانے کا بھی اعلان کر دیا۔

مشیر اطلاعات خیبر پختونخوا بیرسٹر سیف نے کہا ہے کہ کمیشن شفاف اور غیرجانبدار تحقیقات کرکے رپورٹ پیش کرےگا، رپورٹ میں ذمہ داروں کی نشاندہی ہوجائےگی اور ذمہ داروں کےخلاف قانونی کارروائی کی جائےگی۔

انہوں نے کہا کہ کہ رپورٹ کو پبلک کیا جائےگا ،حساس مقامات پر عموماً سکیورٹی ہائی الرٹ رہتی ہے، خودکش حملے میں فوجی جوان اور شہری شہید ہوئے تھے، اس مقام کی حساس نوعیت بھی کل کے ناخوشگوار واقعے کی ایک وجہ بنی، موجودہ دہشت گردی کی لہر کے پیش نظر عوام سے انتہائی احتیاط سے کام لینے کی درخواست ہے۔

انہوں نے اپنے بیان میں مزید کہا ہے کہ پاکستان اور عوام دشمن عناصر حالات خراب کرنے کی تاک میں بیٹھے ہیں، ملک دشمن عناصر کو امن خراب کرنے کا موقع نہیں دینا چاہیے۔

پڑھنا جاری رکھیں

دنیا

کینڈا میں پہلی مرتبہ خاتون آرمی چیف تعینات

56 سالہ جنرل جینی کیریگنن نے ایک تقریب میں کینیڈا کے چیف آف ڈیفنس اسٹاف کا عہدہ سنبھالا

پر شائع ہوا

ویب ڈیسک

کی طرف سے

کینڈا میں پہلی مرتبہ خاتون آرمی چیف تعینات

کینڈا میں پہلی مرتبہ خاتون آرمی چیف تعینات کر دی گئی۔

غیرملکی میڈیا کے مطابق 56 سالہ جنرل جینی کیریگنن نے ایک تقریب میں کینیڈا کے چیف آف ڈیفنس اسٹاف کا عہدہ سنبھالا۔

جنرل جینی کیریگنن کینیڈا کی مسلح افواج کی قیادت کرنے والی پہلی خاتون بن گئی ہیں۔

کینیڈا کے دارالحکومت اوٹاوا میں کینیڈین وار میوزیم میں منعقدہ تقریب میں بات کرتے ہوئے انہوں نے کہا کہ میں اس چیلنج کو سنبھالنے کے لیے تیار ہوں۔

غیرملکی میڈیا کے مطابق جنرل جینی کیریگنن نے فوجی انجینیئر کی حیثیت سے کیریئر کا آغاز کیا تھا، وہ فوج میں 35 سال کے دوران افغانستان، بوسنیا ہرزیگوینا، عراق اور شام میں فوجیوں کی قیادت کرچکی ہیں۔

غیرملکی میڈیا کے مطابق جنرل جینی کیریگنن 4 بچوں کی والدہ ہیں جن میں سے دو بچے کینیڈا کی فوج میں ہی ہیں۔

پڑھنا جاری رکھیں

ٹرینڈنگ

Take a poll