سول ایوی ایشن اتھارٹی کا غیر ملکی ایئرلائن کے خلاف ایکشن

تفصیلات کے مطابق   سول ایوی ایشن اتھارٹی (سی اے اے ) نے غیر ملکی ایئرلائن کے خلاف ایکشن لے لیا۔

سی اے اے کے مطابق  ایس او پیز کی خلاف ورزی اور  کیٹگری سی میں شامل ممالک کے مسافروں کی پاکستان آمد کے خلاف کارروائی کی گئی ہے۔

فلائی دبئی کی جانب سے نیشل کمانڈ اینڈ آپریشن  اتھارٹی  ( این سی او سی)  کے احکامات کی خلاف ورزیوں کا سلسلہ جاری تھا، بغیر اجازت کے فلائی دبئی نے 9 ایرانی مسافروں کو سیالکوٹ پہنچایا۔

جی این این کے مطابق  سیالکوٹ ایئر پورٹ منیجر کی شکایت پر فلائی دبئی کی 11جون کی خصوصی اجازت کو منسوخ کر دیا گیا۔11جون کوسیالکوٹ آنے والی پرواز ایف زیڈ 337 کا خصوصی اجازت نامہ بھی معطل کر دیا گیا ہے۔

اس سے قبل بھی فلائی دبئی نے متعدد کرونا مثبت مسافروں کو کراچی پہنچایا تھا۔ سول ایوی ایشن قوانین 1994 کے تحت کارروائی کی گئی ہے۔