پیمراکی ٹی وی چینلز ریٹنگ کے فرانزک آڈٹ کے خلاف کیس کی عدالت میں سماعت

تفصیلات کے مطابق لاہورہائی کورٹ میں پیمراکی جانب سے ٹی وی چینلز ریٹنگ کے فرانزک آڈٹ کے خلاف کیس کی سماعت لاہور ہائیکورٹ کے جسٹس شاہد کریم نے کی، جس میں ہورائزن نیٹ ورک نے عالمی ادارے سے فرانزک آڈٹ کرانے کے پیمراحکم کی حمایت کردی۔

ہورائزن نیٹ ورک نے چینلزکی ریٹنگ میں بے ضابطگیوں پرشکایت کی تھی اور عدالت سے استدعا کی کہ میڈیا لاجک کی درخواست کو جرمانے کے ساتھ مسترد کیا جائے۔

میڈیا لاجک نے عالمی ادارے سے آڈٹ کروانے کے احکامات کو چیلنج کررکھا ہے۔عدالتی احکامات پر پیمرا نے بھی اپنا جواب جمع کرا دیا جبکہ لاہور ہائی کورٹ نے اگلی سماعت 29 جون تک ملتوی کر دی ہے۔