پاکستان بمقابلہ جنوبی افریقہ،تیسرے روز کا اختتام، پاکستان کو 200 رنز کی برتری حاصل

تفصیلات کے مطابق  پاکستان اور جنوبی افریقہ کے درمیاں دوسرا ٹیسٹ میچ کی دوسری اننگز میں پاکستان نے 6وکٹوں کے نقصان پر 129 رنز بنا لیے۔جس کے بعد تیسرے دن کا کھیل ختم ہونے تک  پاکستان کو 200 رنز کی برتری حاصل ہوگئی ہے۔

پاکستان ٹیم کی جانب سے  محمد رضوان 28، حسن علی 0 رنز پر ناٹ آؤٹ ہیں ، اظہر علی 33 رنز کے ساتھ ٹاپ سکورر رہے، فہیم اشرف نے 29، عابد علی نے 13،  فواد عالم نے 12 رنز بنائے ہیں۔ جبکہ  کپتان بابر اعظم نے صرف 8 رنز کا اضافہ کیا۔جنوبی افریقہ کی طرف سے جارج لینڈے نے 3، مہاراج نے 2 شکار کیے۔

گزشتہ روزخراب روشنی کے باعث دوسرے دن کا کھیل مقررہ وقت سے 10 منٹ قبل ہی ختم کردیا گیا تھا، پاکستان نے اپنی پہلی اننگز میں 272 رنز اسکور کیے جس کے جواب میں جنوبی افریقہ کی ٹیم 201 رنز بنا کر آؤٹ ہوگئی تھی۔

یاد رہے کہ پاکستان کو دو میچوں پر مشتمل ٹیسٹ سیریز میں ایک صفر کی برتری حاصل ہے۔ پہلے ٹیسٹ میچ میں پاکستان نے جنوبی افریقہ کو سات وکٹوں سے شکست دی تھی۔