وزیراعظم کا دورہ چین : پاک چائنہ بزنس فورم میں شرکت کریں گے

وزیراعظم شہباز شریف اپنے 5 روزہ دورہ چین کے پہلے مرحلے میں آج شینزن میں پاک چائنہ بزنس فورم میں شرکت کریں گے۔ وزیراعظم شہباز شریف کی چین کے اعلیٰ حکام ،سرمایہ کاروں اور بزنس کمیونٹی سے آج اہم ملاقاتیں بھی شیڈول ہیں۔

وزیراعظم میڈیا آفس سے جاری بیان کے مطابق سی پیک کے دوسرے مرحلے کے تحت پاکستانی اور چینی کمپنیوں کے مابین مختلف شعبوں میں تعاون اور شراکت داری کے لئے یہ فورم ایک اہم سنگ میل ثابت ہوگا۔

وزیراعظم فورم کے دوران معروف چینی ہائی ٹیک کمپنیوں کے سربراہان سے بھی ملاقات کریں گے۔ بعد ازاں وزیراعظم نانشان ون ونڈو، شینزن میوزیم اور ہواوے کے ہیڈ کوارٹرز کا دورہ بھی کریں گے۔