ملک میں سونے کی قمیت میں ایک بار پھر اضافہ

ملک بھر میں کاروباری ہفتے کے تیسرے روز سونے کی فی تولہ قیمت میں 600 روپے کا اضافہ ریکارڈ کیا گیا ہے۔

مقامی مارکیٹ میں فی تولہ سونا 600 روپے کے اضافے کے بعد 2 لاکھ 41 ہزار 900 روپے کا ہوگیا۔ اسی طرح 514 روپے بڑھنے سے 10 گرام سونے کی قیمت بھی 2 لاکھ 7 ہزار 390 روپے پر پہنچ گئی۔

انٹر نیشنل مارکیٹ میں 6 ڈالر اضافے سے فی اونس سونے کے نرخ 2 ہزار 313 ڈالر ہوگئے۔

دوسری طرف ملک بھر میں چاندی کی فی تولہ قیمت 2 ہزار 750 روپے پر مستحکم رہی۔