لاہور :گرمی کی شدت میں پھر اضافہ، درجہ حرارت 38 ڈگری تک جانے کا امکان

ایک بار پھر صوبائی دارالحکومت لاہورمیں سورج آنکھیں دکھانے لگا۔

محکمہ موسمیات کے مطابق لاہور میں درجہ حرارت 29 سے 38 ڈگری سینٹی گریڈ کے درمیان متوقع ہے اور آج بارش کا کوئی امکان نہیں ہے۔ہوا میں نمی کا انتظام 74 فیصد تک ہے، اور حبس بھی برقرار ہے۔

وسطی پنجاب میں 10 سے 15 جولائی تک تیز بارشوں کی پیشگوئی کی گئی ہے، جبکہ 12 سے 14 جولائی کے درمیان جنوبی پنجاب میں طوفان کا خدشہ ہے۔

پی ڈی ایم اے نے جنوبی پنجاب کے ندی نالوں میں طغیانی کا الرٹ جاری کیا ہے اور متعلقہ اضلاع کو مشینری کی تیاری کی ہدایت دی گئی ہے۔

صوبائی ڈیزاسٹر مینجمنٹ اتھارٹی کے ڈی جی عرفان علی کاٹھیا نے بتایا کہ پی ڈی ایم اے کنٹرول روم 24 گھنٹے صورتحال پر نظر رکھ رہے ہیں۔