وفاقی کابینہ کا اجلاس آج، پی ٹی آئی پر پابندی کےمعاملے پر بحث کا امکان

اسلام آباد: وفاقی کابینہ کا اجلاس آج طلب کر لیا گیا ہے، جس کی صدارت وزیراعظم شہباز شریف کریں گے۔

ذرائع کے مطابق اجلاس میں اہم ملکی امور پر غور کیا جائے گا، جن میں معیشت، سلامتی اور خارجہ پالیسی شامل ہیں۔

تاہم یہ بھی امکان ہے کہ اجلاس میں پاکستان تحریک انصاف (پی ٹی آئی) پر پابندی کے معاملے پر بھی بحث ہوگی۔ وفاقی حکومت نے حال ہی میں پی ٹی آئی کو دہشت گرد تنظیموں سے تعلقات کے الزام میں کالعدم قرار دیا تھا۔

اس کے علاوہ اجلاس میں پی ٹی آئی کے بانی چیئرمین عمران خان، سابق صدر عارف علوی اور سابق ڈپٹی سپیکر قومی اسمبلی قاسم سوری کے خلاف آرٹیکل 6 کے تحت کارروائی پر بھی غور کیا جا سکتا ہے۔

یاد رہے کہ وزیراعظم شہباز شریف کی زیرصدارت وفاقی کابینہ کا منگل کو ہونے والا اجلاس ملتوی کر دیا گیا تھا۔