بجلی کے بل پر جھگڑے میں بڑے بھائی نے چھوٹے بھائی کو قتل کر دیا

گوجرانوالہ: گوجرانوالہ کے علاقے پرنس روڈ پر بجلی کے بل کی ادائیگی پر جھگڑے کے دوران ایک شخص نے اپنے چھوٹے بھائی کو قتل کر دیا۔

پولیس کے مطابق مقتول کی عمر 28 سال تھی اور وہ اپنے بڑے بھائی کے ساتھ ایک ہی گھر میں رہتا تھا۔ گھر کا بجلی کا بل 10,500 روپے آیا تھا، جس پر دونوں بھائیوں کے درمیان تلخ کلامی ہو گئی۔

جھگڑے کے دوران بڑے بھائی نے چھوٹے بھائی کو چھری سے وار کر کے قتل کر دیا۔ مقتول کی لاش کو پوسٹ مارٹم کے لیے ہسپتال منتقل کر دیا گیا ہے، جبکہ ملزم بھائی کو گرفتار کر کے اس کے خلاف مقدمہ درج کر لیا گیا ہے۔

پولیس کا کہنا ہے کہ دونوں بھائی محنت مزدوری کرتے تھے اور ان کا گزارا روزانہ کی آمدنی پر ہوتا تھا۔ بجلی کا بل زیادہ آنے پر دونوں بھائیوں میں اکثر جھگڑے ہوتے رہتے تھے۔