سرگودھا : گورنر کے پی کے فیصل کریم کنڈی نے کہا ہے کہ حکومت نے ہی فیصلہ کرنا ہے کہ پی ٹی آئی پر پابندی لگانی ہے یا نہیں۔ 

سرگودھا میں گورنرکے پی فیصل کریم کنڈی نے مڈھ رانجھا میں میڈیا سے گفتگوکرتے ہوئے کہا کہ کئی سیاسی پارٹیوں پرپابندیاں لگیں لیکن وہ ختم نہیں ہوئیں، پاکستان میں ووٹ شخصیات کا ہوتا ہے۔

فیصل کریم کنڈی نے میڈیا سے گفتگو کرتے ہوئے کہا کہ پیپلزپارٹی کی سی ای سی فیصلہ کریگی کہ وزارتیں لینی ہیں یانہیں، پشاور پریس کلب میں ایک وزیرنے صوبے کی قیادت پرچارج شیٹ لگائی۔

گورنر کے پی نے کہا کہ پیپلزپارٹی پربھی پابندی لگی تھی لیکن پارلیمنٹ میں چلی گئی، حکومت نے ہی فیصلہ کرنا ہے کہ پی ٹی آئی پرپابندی لگانی ہے یا نہیں۔

گورنرخیبرپختون خوا نے کہا کہ اس وزیرنےاپنی ہی حکومت پربھتہ خوری اوررشوت کے الزامات لگا دیے، یونیورسٹیزکی زمینیں بیچنی شروع کردیں لیکن ہم ایسا نہیں ہونے دیں گے۔

جماعت اسلامی کے نائب امیر لیاقت بلوچ نے کہا کہ دھرنا خاتمے کی دھمکیاں حکمرانوں کے اقتدار کے خاتمے کا باعث بنیں گی۔

عوام کو ریلیف نہ دیا گیا تو فارم 47، کی حکومت ٹھہراور سنبھل نہ سکے گی، ۔حکومت عوام کا معاشی قتل کرکے ملک دشمنی کر رہی ہے۔

 لیاقت بلوچ نے کہا کہ تاجروں کا بجلی کے بلوں میں اضافے کے خلاف عارضی شٹرڈاون احتجاج کا خیرمقدم کرتے ہیں، جبکہ ملک میں کاروبار، زراعت اور صنعت کا پہیہ جام ہوگیا ہے۔

 لیاقت بلوچ  نے کہا کہ آج اسماعیل ہنیہ شہید کی اپیل پر یوم اسیران فلسطین منایا جائے گا۔

پاکستان ریلوے میں کروڑوں روپے کی بے قاعدگیوں کا انکشاف ہوا ہے۔
‏ ریلوے کے پی ایس ڈی پی اکاؤنٹ سے ریونیو اور ڈپازٹ اکاؤنٹ میں رقم منتقل کی گئی ،رقم منتقل کرنیکاانکشاف آڈیٹر جنرل کی رپورٹ میں کیا گیا ،رقم کی منتقلی متعلقہ اتھارٹی کے اجازت کے بغیر منتقل کی گئی۔
 رونیو اکاونٹ میں64کروڑ 21لاکھ 70ہزار روپے منتقل کئے گئے، ڈپازٹ اکاؤنٹ میں پچاس کروڑ روپے منتقل کئے گئے ،وزارت خزانہ کی پیشگی اجازت کے بغیر سرمایہ کاری یا کسی اور جگہ جمع کرنے کے لیے عوامی اکاؤنٹ سے کوئی رقم نہیں نکالی جا سکتی۔
رپورٹ کے مطابق یہ فنڈز فنانس ڈویژن نے پاکستان ریلوے کے منظور شدہ منصوبوں کے لیے صدر پاکستان کی منظوری سے فراہم کیے گئے تھے، مخصوص منظور شدہ منصوبوں کے لیے فنانس ڈویژن کی طرف سے پاکستان ریلوے کو فراہم کیے گئے، پی ایس ڈی پی فنڈز کو کسی دوسرے مقصد کے لیے منتقل یا استعمال نہیں کیا جا سکتا۔ 
 کنٹرولنگ آفیسر کا فرض ہے کہ فنڈز عوامی مفاد میں اور ان مقاصد کے لیے خرچ کیے گئے ہیں یا نہیں، ریلوے مینجمنٹ کیجانب سے پی ایس ڈی پی اکاؤنٹ سے دوسرے اکاؤنٹس میں رقوم کی منتقلی غیر مجاز تھی اور اس سے فنڈز کا غلط استعمال ہوتا ہے، رقوم کی منظوری کے بغیر منتقل کو روکا جائے اور مستقبل بغیر اجازت فنڈز کو منتقل نہ کیا جائے۔