بنگلہ دیش : طلبہ تحریک کے حمایت یافتہ ڈاکٹر یونس عبوری حکومت کے سربراہ مقرر

ڈھاکا: شیخ حسینہ واجد کے استعفے  اور گزشتہ روز پارلیمنٹ کی تحلیل کے بعد نوبل انعام یافتہ ڈاکٹر  محمد یونس کو بنگلادیش کی عبوری حکومت کا سربراہ مقرر کردیا گیا ہے۔ 

بنگلالی  میڈیا کے مطابق ڈاکٹر محمد یونس کی سربراہی میں بنگلادیش کی عبوری حکومت کے ارکان کو آج حتمی شکل دیے جانے کا امکان ظاہر کیا جا رہا  ہے جبکہ عبوری حکومت کے سربراہ پروفیسر  یونس کل پیرس سے ڈھاکہ پہنچیں گے۔ 

بنگلادیشی میڈیا کے مطابق  عبوری حکومت کے چارج سنبھالنے کے فوری بعد انتخابات کا اعلان اور اس کے لیے اقدامات متوقع ہیں۔ 

واضح رہے کہ بھارتی میڈیا سے گفتگو میں پروفیسر محمد یونس نے کہا کہ بھارت کے بنگلادیش کے غلط لوگوں کے ساتھ اچھے تعلقات ہیں، براہ کرم بھارت اپنی خارجہ پالیسی پر نظرثانی کرے۔ 

تفصیلات کے مطابق عبوری حکومت کی سربراہی کے لیے پروفیسر محمد یونس کا نام طلبہ تحریک کے سرگرم کارکنان کی جانب سے دیا گیا تھا۔