ملتان سلطانز نے کوئٹہ گلیڈی ایٹرز کو 184 رنز کا ہدف دے دیا

تفصیلات کے مطابق پی ایس ایل 6 کے 25ویں میچ میں  ملتان سلطانز نے  5 وکٹوں کے نقصان پر 183 رنز بنائے اور گلیڈی ایٹرز کو جیت کے لیے 184 رنز کا ہدف دیا ہے۔

ملتان سلطانز کی جانب سے  شان مسعود نے 73 رنز کی شاندار اننگز کھیلی اور کپتان محمد رضوان 21 رنز بنا کر آوٹ ہوگئے،جانسن چارلس 24 گیندوں پر 47 رنز کی  اننگز کھیلی، خوشدل شاہ 20 رنز کے ساتھ ناٹ آؤٹ رہے۔

کوئٹہ گلیڈی ایٹرز کی جانب سے خرم شہزاد نے دو وکٹیں حاصل کیں جبکہ حمد نواز، ظاہر خان اور حسان خان نے ایک، ایک وکٹ حاصل کرسکے۔

اس سے قبل  کوئٹہ گلیڈی ایٹرز نےملتان سلطانز کو   ٹاس جیت کر پہلے بیٹنگ کی دعوت دی تھی۔

کوئٹہ گلیڈی ایٹرز کی ٹیم میں ایک تبدیلی کی گئی ہے، ظہور خان کی جگہ ظاہر خان کو شامل کیا گیا ہے۔ملتان سلطانز نے بھی ایک تبدیلی کرتے ہوئے شیرمین ہٹمائر کی جگہ جانسن چارلس کو شامل کیا ہے۔