خیبرپختونخوا بجٹ 2021-22، گاڑیوں کی رجسڑیشن فیس ایک روپیہ کرنے کا فیصلہ

تفصیلات کے مطابق خیبرپختونخوا کے وزیر خزانہ تیمور سلیم جھگڑا نے سال 22-2021 کیلئے صوبے کا 1118.3 ارب روپے کا بجٹ پیش کیا ہے۔ جس میں حکومت نے عوام کوریلیف دیتے ہوئے بڑا اعلان کیا ہے جس کے مطابق آئندہ مالی سال صوبے میں گاڑیوں کی رجسٹریشن فیس صرف ایک روپے ہوگی۔

دوسری جانب کے پی کے حکومت نے کم از کم مزدور کی اجرت 21 ہزار روپے کرنے کا فیصلہ کیا ہے ۔بجٹ میں  تنخواہوں اورپنشن کےلیے 6ارب روپے سےزائدمختص کئےگئے ہیں، جبکہ صحت کارڈکےلیے  23ارب روپےمختص کئے گئے ہیں  ۔ صحت کارڈکے23ارب روپےمیں سے1ارب جگرکی پیوندکاری کےلیے دئیےجائیں گے ۔   صوبائی بجٹ میں ترقیاتی کاموں کےلیے371ارب روپےمختص کئے گئے ہیں۔

 محکمہ خزانہ کے مطابق  371 ارب روپےکےسالانہ ترقیاتی پروگرام میں سے100ارب روپے قبائلی اضلاع کودئیےجائینگے۔

صوبائی حکومت نےبجٹ کوڈویلپمنٹ پلس بجٹ قراردیاہے۔ ذرائع محکمہ خزانہ کے مطابق   ترقیاتی بجٹ میں سب سےزیادہ37ارب روپےروڈسیکٹرکےلیے مختص کئے گئےہیں جبکہ ہزارہ اورملاکنڈکےسیاحتی مقامات کےسڑکوں کےلیے3ارب روپے روپےمختص کرنےکی تجویز زیر غور ہے ۔صوبائی بجٹ میں   خواجہ سراؤں کےلیے 50کروڑکی انڈومنٹ فنڈکےقیام کی تجویزدی گئی ہے۔