انگین التان کےساتھ فراڈ کرنے والا مشہورٹِک ٹاکرگرفتار

تفصیلات کے مطابق  ملزم نے جعلی کمپنی کا برینڈ ایمبیسڈر بنانے کے لیے مشہور اداکار انگین آلتان دوزیاتان کو ترکی میں جعلی چیک بھی بجھوائے۔ جب ،معروف ڈرامہ سیریل  کے ہیرو انگین آلتان دوزیاتان پاکستان پہنچے تو انکشاف ہوا کہ ان کے ساتھ فراڈ ہوچکا ہے، جس کے بعد وہ اپنے ملک واپس لوٹ گئے۔

تاہم وہاں سے انھوں نے پنجاب پولیس کو درخواست بھجوائی کہ ملزم کے خلاف کارروائی کی جائے ۔ جب پولیس نے تفتش شروع کی تو معلوم ہوا کہ کاشف ضمیر ایک ریکارڈ یافتہ ملزم ہے۔ کاشف ضمیر کےخلاف مختلف اضلاع میں مقدمات درج ہیں۔ جبکہ گزشتہ روز جب پولیس نے ملزم کے گھرچھاپہ مارا تو سبز نمبر پلیٹ والی گاڑی، جعلی سونے کے زیورات اور اسلحہ بھی برآمد ہوا۔

پولیس اہلکاروں نے ملزم کو گرفتار کرکے مزید تحقیقات کا آغاز کردیا ہے۔