سندھ حکومت کا پرائمری اسکولز 21 جون سے کھولنے کا فیصلہ

تفصیلات کے مطابق  وزیراعلی ٰ سندھ سید مراد علی شاہ کی زیرصدارت  اجلاس  کورونا صورتحال پر اجلاس ہوا ، اجلاس میں فیصلہ کیا گیا کہ کورونا کے باعث بند  سندھ بھر کے پرائمری اسکولز  21 جون سے کھول دئیے جائیں ۔اس کے ساتھ ساتھ  صوبے بھر کے  پارکس ،ان ڈور جمز اور درگاہیں  بھی 28 جون سے کھول دی جائیں گی ۔

اس سے قبل 15 جون کو  چھٹی سے آٹھویں جماعت تک کی کلاسزپچاس فیصد حاضری کے ساتھ کھولنے کا فیصلہ کیا گیا تھا۔خیال  رہے کہ تعلیمی ادارے عالمی وبا کورونا وائرس کے پیش نظر ملک بھر میں بند کیے گئے تھے  جبکہ تدریسی عمل آن لائن کلاسز کے ذریعے جاری تھا۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید27فراد چل بسے ۔ ملک میں  اموات کی مجموعی تعداد21 ہزار940ہوگئی ہے،جبکہ  متاثرہ افراد کی مجموعی تعداد 9 لاکھ 47ہزار 218ہو گئی ہے ۔ پنجاب میں کورونا مریضوں کی تعداد 3لاکھ44ہزار 799 ہوگئی ۔ جبکہ صوبے میں اب تک 10ہزار 615افراد جان سے ہاتھ دھو بیٹھے ہیں ۔

سندھ میں کورونا وائرس سے سب سے زیادہ متاثرہ مریضوں کی تعداد  3 لاکھ 31ہزار 094ہو گئی جبکہ صوبے میں اب تک 5 ہزار 314افراد جان کی بازی ہار گئے ۔خیبرپختون خوا میں کورونا وائرس سے متاثرہ مریضوں کی تعدادایک لاکھ 36ہزار799ہوچکی ہے ۔ صوبے میں 4257افراد چل بسے۔بلوچستان میں کورونا وائرس کے اب تک 26ہزار529کیسز رپورٹ ہوئے ہیں جبکہ صوبے میں 300مریض چل بسے ۔وفاقی دارالحکومت اسلام آباد میں مجموعی طورپرمتاثرہ افراد کی تعداد82 ہزار313جبکہ اموات کی تعداد775تک جاپہنچی ۔گلگت بلتستان میں اب تک 5 ہزار 771افراد کورونا کا شکار ہوئے ہیں جبکہ108افراد جان سے ہاتھ دھو بیٹھے ۔آزاد جموں کشمیرمیں کورونا سےمتاثرہ افراد کی تعداد 19 ہزار893ہوچکی ہے جبکہ 571افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں 1282فرادکوروناوائرس کوشکست دےچکے ہیں۔ ملک بھر میں اب تک 9لاکھ47 ہزار218مریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔