وفاقی وزیر اطلاعات و نشریات عطا تارڑ نے کہا ہے کہ پاکستان تحریک انصاف نے سیاسی اختلاف کو دشمنی میں بدلنے کی روایت ڈالی۔

قومی اسمبلی اجلاس کے دوران اظہار خیال کرتے ہوئے وزیر اطلاعات عطا تارڑ کا کہنا تھا کہ ایک سیاسی جماعت نے طالبعلموں کے ذریعے امن وامان خراب کرنے کی کوشش کی، عوام کے سامنے یہ تمام حقائق رکھ دیئے ہیں، ہتک عزت قانون کے تحت کارروائی کی جارہی ہے۔

انہوں نے کہا کہ پی ٹی آئی نے کبھی برداشت نہیں دکھائی،دوسرے کا مؤقف نہیں سنا، آ پ کو انکی تقریر میں کبھی اسرائیلی مظالم کا ذکر نہیں ملے گا، پی ٹی آئی نے فلسطین پر بلائی اے پی سی میں شریک ہونے سے انکار کردیا، ایس سی او کانفرنس کو سبوتاژ کرنے کی سازش کی گئی۔

عطا تارڑ کا کہنا تھا کہ اپوزیشن ہمیشہ اپنی تقریروں میں زہر اگلتی ہے، یہ آرمی چیف، ایجنسیوں اور سیاستدانوں کے خلاف بات کرتے ہیں، یہ فلسطین پر بات نہیں کرتے کیونکہ دوسری طرف ان کا تعلق ہے، ایس سی او پر لشکر کشی میں ان کی جماعت میں اختلاف تھا۔

وفاقی وزیر نے کہا کہ پیپلز پارٹی کے ساتھ ہماری تلخی اور سیاسی اختلاف کی ایک تاریخ ہے، محترمہ بینظیر بھٹو کی شہادت پر سب سے پہلے نواز شریف ہسپتال پہنچے، ان کے لیڈر نے سیاسی مخالفت کو سیاسی دشمنی میں بدلا، نواز شریف نےہمیشہ رواداری کی سیاست کو فروغ دیا۔

قبل ازیں وفاقی وزیر اطلاعات عطا تارڑ نے پاکستان میں شنگھائی تعاون تنظیم کے سربراہی اجلاس کے کامیاب انعقاد پر قرار پیش کی جسے ایوان نے متفقہ طور پر منظور کرلیا۔  

لاہور:پنجاب حکومت نے صوبے بھر میں دو دن کے لیے دفعہ 144 کا نفاذ،صوبائی محکمہ داخلہ نے نوٹیفیکیشن جاری کر دیا ۔ 
تفصیلات کے مطابق پنجاب حکومت نے صوبے میں دودن کے لیے دفعہ 144 کا نفاذ کرتے ہوئے جلسے،جلوسوں اور ہر قسم کے احتجاج پر پابندی عائد کر دی ۔ 
اس حوالے سے پنجاب کے محکمہ داخلہ نے نوٹیفیکیشن جاری کر دیا ،ترجمان پنجاب حکومت کا کہنا ہے کہ صوبے میں امن وامان  کے قیام اور املاک کے تحفظ کو مدنظررکھتے ہوئے دفعہ 144 کا نفاذ کیا گیا ہے۔

نوٹیفیکیشن کا اطلاق  پنجاب بھر میں18 اکتوبر جمعہ سے  لے کر 19 اکتوبر ہفتہ تک ہو گا ۔ 

 سینیٹرعرفان صدیقی نے کہا کہ وزیراعظم شہباز شریف نے حکومتی سینیٹرز کو اعتماد میں لے لیا ۔ 
انہوں نے کہا کہ وزیراعظم نے حکومتی سینیٹرزکے اعزاز ظہرانہ دیا جس میں سینیٹ کے ارکان کو اعتماد میں لیا گیا، مسلم لیگ ن کے پارلیمانی لیڈر سینیٹر عرفان صدیقی نے میڈیا سے گفتگو کرتے ہوئے کہا کہ آئینی ترمیم کل سینٹ میں پیش کی جائے گی۔
اس موقع پر سینیٹر عرفان صدیقی کا مزید کہنا تھا کہ وزیراعظم شہباز شریف نے آئینی ترمیم کے حوالے سے اتحادی جماعتوں کو بریف کیا ہے، ان کا کہنا تھا کہ وزیر اعظم نے وفاقی کابینہ کا اجلاس کل طلب کر رکھا ہے جس میں آئینی ترمیم کی منظوری دی جائے گی جس کے بعد اس کو سینیٹ  میں پیش کیا جائے گا ۔ 
واضح رہے کہ پاکستان مسلم لیگ ن اور پیپلزپارٹی آئینی عدالتوں کے قیام کے حوالے سے پیچھے ہٹ گیئں ہے جبکہ آئینی بینچ کی تشکیل کے حوالے سے حکومتی اتحادی جماعتوں اور جے یو آٰئی کے درمیان اتفاق رائے ہو چکا ہے۔