سلمان علی آغا کی شاندار بیٹنگ ، پاکستان کا انگلینڈ کو جیت کے لیے 297 رنز کا ہدف

ملتان : ملتان میں جاری دوسری ٹیسٹ میچ میں پاکستانی ٹیم اپنی دوسری اننگ میں صرف 221 رنز ہی بنا سکی، انگلینڈکو جیت کےلیے 297 رنز درکار
تفصیلات کے مطابق ملتان میں کھیلے جا رہے دوسرے ٹیسٹ میچ کے تیسرے روز پاکستان کی بیٹنگ لائن ایک دفعہ پھر لڑکھرا گئی۔قومی ٹیم نے اپنی اننگ کا آغاز مایوس کن کیا، پاکستان کی وقفے وقفےسے وکٹس گرنے کی وجہ سے قومی ٹیم دباوٗ کا شکار نظر آئی،114 رنز پر پاکستان کی 5 وکٹیں گر چکی تھی،سلمان علی آغا نے اس موقع  پر ذمہ دارنہ بیٹنگ کا مظاہرہ کرتے ہوئے پاکستان ٹیم کا اسکور 221 رنز تک پہنچایا سلمان آغا نے 63 رنز کی اننگ کھیلی
جبکہ کامران غلام نے 26سعود شکیل نے 31 محمد رضوان نے 23 اور کپتان شان مسعود صرف 11 رنز ہی بنا سکیں۔
انگلینڈ کی طرف سے شعیب بشیر نے 4، جیک لیچ نے 3 اوربریڈن کریس نے 2 کھلاڑیوں کو آوٹ کیا۔
297 رنز کے تعاقب میں انگلینڈ ٹیم کی بیٹنگ جاری ہے تیسرے دن کے اختتام تک انگلیںڈ نے دو وکٹوں کے نقصان پر36 رنز بنا لیے ہیں اور ان کو جیت کے لیے مزید 261 رنز درکار ہے۔