قومی اسمبلی کا اجلاس کل طلب، 7نکاتی ایجنڈا جاری

قومی اسمبلی کا اجلاس کل شام 5 کی بجائے 4 بجے ہوگا، جس میں انسداد دہشت گردی ترمیمی بل منظور ہونے کا امکان ہے،  اجلاس کے 7 نکاتی ایجنڈے میں اہم قانون سازی شامل ہے۔

ذرائع کے مطابق کل اجلاس میں  سپریم کورٹ پریکٹس اینڈ پروسیجرترمیمی آرڈیننس اسمبلی میں پیش ہوگا جبکہ عالمی درجہ بندی میں پاکستانی عدلیہ  کا 129واں نمبر ہونے پرتوجہ دلاؤ نوٹس پیش کیا جائے گا،صدر مملکت کے مشترکہ اجلاس سے خطاب پر اظہار تشکر کی تحریک ایجنڈے کا حصہ ہے۔

اجلاس  میں عالیہ کامران کا پی آئی اے کے طیاروں کو گراؤنڈ کئے جانے پر توجہ دلاؤ نوٹس، وقفہ سوالات اور نکتہ اعتراض بھی شامل ہے، تاہم، انسداد دہشت گردی ترمیمی بل ایجنڈے کا حصہ نہیں ہے۔

اجلاس میں رکن اسمبلی سحر کامران بھی ایک توجہ دلاؤ نوٹس پیش کریں گی۔ 

ذرائع کے مطابق حکومت کل قومی اسمبلی اورسینیٹ میں اہم قانون سازی کرنا چاہتی ہے،جس کے لیے  حکومتی اراکین کو ایوان میں حاضری یقینی بنانے کی ہدایت کر دی گئی، ذرائع کا مزید کہنا تھا کہ قومی اسمبلی اجلاس میں  انسداد دہشت گردی ترمیمی بل  کے منظور ہونے کا امکان ہے۔