جنوبی لبنان و غزہ میں کارراوئیوں کے دوران 6 اسرائیلی فوجی  ہلاک

غزہ:گزشتہ 24 گھنٹوں کے دوران جنوبی لبنان اور غزہ میں کارروائیوں کے دوران 6 اسرائیلی فوجی ہلاک ہوگئے۔

غیر ملکی میڈیا کے مطابق لبنان کی سرحد پر بارودی سرنگ کے دھماکے میں 4 اسرائیلی فوجی مارے گئے، جن میں ایک ریزرو میجر اور ایک ریزرو کیپٹن بھی شامل ہے۔

دوسری جانب شمالی غزہ میں حماس سے جھڑپوں  میں بھی  2 اسرائیلی فوجی ہلاک ہوئے۔

واضح  رہے کہ 7 اکتوبر 2023 سے جاری جنگ میں اب تک 800 سے زائد اسرائیلی فوجی ہلاک ہوچکے ہیں۔

جبکہ دوسری جانب غزہ کی وزارت صحت کے مطابق اسرائیلی حملوں میں اب 44 ہزار سے زائد افراد شہید جبکہ ایک لاکھ تیس ہزار سے زائد افراڈ زخمی ہو چکے ہیں،