ترکیہ:  2  فوجی ہیلی کاپٹر آپس میں ٹکرا گئے، 6 فوجی ہلاک

انقرہ: ترکیہ میں دو فوجی ہیلی کاپٹر فضا میں ٹکرا گئے، جس کے نتیجے میں 6 فوجی ہلاک ہو گئے۔

غیر ملکی میڈیا  کے مطابق پیر کے روز جنوب مغربی ترکی میں ایک تربیتی مشق کے دوران دو ترک فوجی ہیلی کاپٹر فضا میں ٹکرا گئے جس  کے نتیجے میں چھ فوجی اہلکار ہلاک ہو گئے، یہ تصادم صوبہ اسپارتا میں ہوا، ایک ہیلی کاپٹر گر کر تباہ جبکہ دوسرا بحفاظت لینڈ کر گیا۔
ہلاک ہونے والے فوجی تباہ ہونے والے ہیلی کاپٹر میں سوار تھے۔

حادثے  کے  نتیجے میں پانچ اہلکار جائے حادثہ پر ہی دم توڑ گئے، اور ایک بعد میں ہسپتال میں دم توڑ گیا۔

 اسپارتا صوبے کے گورنر عبداللہ ایرن نے ہلاکتوں کی تصدیق کرتے ہوئے کہا کہ ہلاک ہونے والوں میں  ملٹری ایوی ایشن اسکول کے انچارج ایک بریگیڈیئر جنرل بھی   شامل ہیں۔