الیکشن کمیشن نے مخصوص نشستوں کی الاٹمنٹ کے معاملے پر کل ایک اہم اجلاس طلب

الیکشن کمیشن آف پاکستان نے خیبرپختونخواہ میں سینیٹ انتخابات کے انعقاد اور مخصوص نشستوں کی الاٹمنٹ کے معاملے پر کل ایک اہم اجلاس طلب کر لیا ہے۔

اجلاس میں مخصوص نشستوں کی الاٹمنٹ سے متعلق اہم معاملات ایجنڈے میں شامل ہیں۔ الیکشن کمیشن نے اجلاس میں شرکت کے لیے متعلقہ ونگز کو ہدایات جاری کر دی ہیں۔

واضح رہے کہ  اجلاس کل صبح ساڑھے گیارہ بجے ہوگا، جس میں خیبرپختونخواہ کے سینیٹ انتخابات کے حوالے سے غور کیا جائے گا۔

اس اجلاس میں پشاور ہائیکورٹ میں سینیٹ انتخابات سے متعلق سماعت پر بھی غور کیا جائے گا۔

الیکشن کمیشن کا لا ونگ عدالتی احکامات سے متعلق معلومات فراہم کرے گا، جبکہ الیکشنز ونگ انتخابی تیاریوں اور ممکنہ رکاوٹوں کے بارے میں آگاہ کرے گا۔