پی ایس ایکس میں تیزی برقرار، انڈیکس ایک لاکھ 11 ہزار کی نفسیاتی حد عبور کر گیا

پاکستان اسٹاک ایکس چینج میں آج بھی تیزی کی لہر جاری ہے، جہاں 100 انڈیکس 2100 پوائنٹس سے زائد اضافے سے ایک لاکھ 11 ہزار کی سطح پر پہنچ گیا۔

کاروباری ہفتے کے تیسرے روز پاکستان اسٹاک ایکسچینج میں کاروبار کا مثبت آغاز ہوا، جہاں 100 انڈیکس میں 2100 پوائنٹس سے زائد کا اضافہ دیکھنے میں آیا۔

اسٹاک مارکیٹ میں کاروبار کے دوران 100 انڈیکس ایک لاکھ 11 پوائنٹس پر ٹریڈ کررہا ہے۔

واضح رہے کہ کاروباری ہفتے کے دوسرے روز کاروبار کا آغاز مثبت زون میں ہوا، بعدازاں سٹاک مارکیٹ میں ٹریڈنگ کے دوران اچانک شدید مندی چھا گئی جس کے ساتھ سٹاک ایکسچینج میں ہنڈرڈ انڈیکس 1073 پوائنٹس کی کمی کیساتھ 1 لاکھ 8 ہزار 896 پوائنٹس کی سطح پر بند ہوا تھا۔