سلمان اکرم راجہ کی ایک ماہ کے لیے راہداری ضمانت منظور

پشاور ہائیکورٹ نے پاکستان تحریک انصاف (پی ٹی آئی) کے رہنما سلمان اکرم راجہ کی ایک ماہ کے لیے راہداری ضمانت منظور کرلی۔

پشاور ہائیکورٹ کے چیف جسٹس اشتیاق ابراہیم نے پی ٹی آئی رہنما کی راہداری ضمانت درخواست پر سماعت کی، سلمان اکرم راجہ عدالت میں پیش ہوئے۔

دوران سماعت سلمان اکرم راجہ نے چیف جسٹس پشاور ہائیکورٹ سے استفسار کیا کہ آج کل مقدمات درج کرنے کا موسم ہے، کوئی علم نہیں کس کیس میں مقدمہ درج کیا گیا۔

چیف جسٹس اشتیاق ابراہیم نے استفسار کیا کہ کیا آپ رکن قومی اسمبلی بھی ہیں، جس پر سلمان اکرم راجہ نے کہا کہ فارم 45 کے مطابق تو رکن قومی اسمبلی ہوں۔

بعدازاں پشاور ہائیکورٹ نے سلمان اکرم راجہ کی ایک ماہ تک راہداری ضمانت کی درخواست منظور کر لی۔

سلمان اکرم راجہ نے کہا کہ جو لوگ 26 نومبر کو گرفتار کیے گئے ان کو 9 مئی کے مقدمات میں نامزد کیا جا رہا ہے، جوڈیشل سسٹم کو سیاسی مقاصد کے لیے استعمال کیا جا رہا ہے، مذاکرات ہم کسی کے ساتھ بھی کرنے کو تیار ہیں۔