سندھ سرکار کا مرحوم ملازمین کی اولاد کے لیے ملازمت کا کوٹہ ختم کرنے کا فیصلہ

سندھ میں مرحوم ملازمین کی اولاد کے لیے ملازمت کا کوٹہ ختم کر دیا گیا۔

سپریم کورٹ کے حکم پر سندھ کابینہ نے فوتگی کوٹہ ختم کرنے کی منظوری دے دی، فوتگی کوٹہ ختم کرنے کا نوٹیفکیشن بھی جاری کر دیا گیا، جس کے مطابق سندھ میں فوتگی کوٹے کے تحت مزید بھرتیاں نہیں کی جائیں گی۔

واضح رہے کہ اس سے قبل رواں سال پنجاب حکومت بھی اس طرح کا فیصلہ کر چکی ہے۔ پنجاب حکومت نے دورانِ سروس وفات پا جانے والے سرکاری ملازمین کے بچوں کے لیے کوٹے پر سرکاری ملازمت سے متعلق رول 17 اے ختم کر دیا تھا۔

سرکاری ملازم کی دورانِ سروس وفات پر ایک بیٹے، بیٹی یا بیوہ کو سرکاری نوکری دی جاتی تھی۔

اس ضمن میں حکومتِ پنجاب نے جولائی میں باقاعدہ نوٹیفکیشن جاری کیا تھا۔