تیسرے ون ڈے سے قبل جنوبی افریقہ کو ایک اور زور دار جھٹکا، اہم کھلاڑی میچ سے باہر

تیسرے ایک روزہ میچ سے قبل جنوبی افریقہ کو ایک اور زو ر دار جھٹکا لگا ہے، فاسٹ باؤلر اوٹنیل بارٹمین انجری کے باعث پاکستان کے خلاف آخری ون ڈے سے باہر ہوگئے۔
بارٹمین کو کیپ ٹاؤن میں کھیلے گئے دوسرے ون ڈے سے قبل رن اپ میں تکلیف کا سامنا تھا۔ اس سبب وہ پلیئنگ الیون کا حصہ نہیں بن سکے تھے۔ پہلے میچ میں انہوں نے 7 اوورز میں 37 رنز کے عوض 2 وکٹیں حاصل کی تھیں۔
ٹیسٹ اسکواڈ میں پہلی بار شامل ہونے والے کوربن بوش ون ڈے سکواڈ میں بارٹمین کی جگہ لیں گے۔
واضح رہے کہ پاکستان اور جنوبی افریقا کے درمیان سیریز کا آخری ون ڈے اتوار کو کھیلا جائے گا، پاکستان کو سیریز میں 0-2 کی فیصلہ کن برتری حاصل ہے