پشاور: دو گروپوں کے درمیان فائرنگ سے 4 افراد ہلاک،3 زخمی

پشاور میں دو گروپوں کے درمیان فائرنگ کے نتیجے میں 4 افراد جاں بحق اور 3 زخمی ہو گئے ۔
فائرنگ کا واقعہ پشاورمیں پشتہ خرہ کے علاقہ سفید ڈھیری میں پیش آیا جہاں سابقہ دشمنی کی بنا پر فریقین کے  درمیان فائرنگ ہوئی، جس کت نتیجے میں اعجاز ولد امین ، اسرار ولد یونس ، راجولی ولد رحمان ولی اور ذوالقرنین ولد حاجی واحد سمیت پانچ افراد جاں بحق جبکہ دو زخمی ہو گئے۔

پولیس حکام کے مطابق فریقین کے درمیان دیرینہ دشمنی چلی آرہی تھی جبکہ ملزمان واردات کے بعد فرار ہونے میں کامیاب ہو گئے۔

واقعہ کی اطلاع ملتے ہی ڈی ایس پی پشت خرہ سرکل محمد اشفاق خان ، ایس ایچ او شاکر آفریدی اور دیگر پولیس نفری نے فوری موقع پر پہنچ کر لاشوں کو پوسٹ مارٹم اور زخمیوں کوعلاج معالجہ کے لیے اسپتال منتقل کر دیا گیا۔
پولیس کی جانب سے بتایا گیا ہے کہ  ملزمان کی گرفتاری کیلئے ان کے ٹھکانوں پر چھاپہ زنی کا سلسلہ جاری ہے۔