بانی چیئرمین پی ٹی آئی کی 6 مقدمات میں 28 جنوری تک توسیع

بانی چیئرمین پی ٹی آئی کی 6 مقدمات میں عبوری ضمانت میں 28 جنوری تک توسیع کردی گئی۔

اسلام آباد ڈسٹرکٹ ایںڈ سیشن کورٹ میں  بانی پی ٹی آئی کے خلاف 6 اور بشری بی بی کے خلاف ایک مقدمہ میں عبوری ضمانت کی درخواست پر سماعت ہوئی، ایڈیشنل سیشن جج محمد افضل مجوکہ نے سماعت کی۔

بشری بی بی کے وکیل خالد چوہدری کی جانب سے آج حاضری سے استثنی کی درخواست دائر دی گئی، بشری بی بی کی درخواست ضمانت پر فیصلہ نہ سنایا جا سکا جبکہ حاضری سے استثنی کی درخواست منظورکرلی گئی۔ 

جونئیر وکیل  نے کہا کہ بانی پی ٹی آئی کے وکیل سلمان صفدر دوسرے کیس میں مصروفیات کے باعث پیش نہیں ہو سکتے۔

عدالت نے بانی پی آئی اور بشری بی بی کی عبوری ضمانتوں پر سماعت 28 جنوری تک ملتوی کردی۔