آرمی چیف کا یورپی یونین کی ملٹری کمیٹی کے سربراہ سے ویڈیو کال پررابطہ

پاکستانی فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے یورپی یونین کی ملٹری کمیٹی کے سربراہ جنرل کلاڈیو گرازیانو سے ویڈیو کال پر بات چیت کی ہے۔ویڈیو کال کے دوران باہمی دلچسپی، خطے کی سیکیورٹی صورتحال، افغان امن عمل سے متعلق امور پر تبادلہ خیال کیا گیا جبکہ یورپی یونین کے ساتھ دو طرفہ تعاون بڑھانے پر بھی گفتگو کی گئی۔

اس موقع پر آرمی چیف جنرل قمر جاوید باجوہ نے کہا کہ پاکستان یورپی یونین کےساتھ اپنے تعلقات کی قدر کرتا ہے، مختلف شعبوں میں مشترکہ مفادات و فائدے پرمبنی تعلقات کا فروغ چاہتے ہیں۔

آئی ایس پی آر کا  کہنا ہے کہ  چیئرمین ای یونےامن واستحکام،افغان  امن عمل پرپاکستان کےکردارکوسراہا ہے اور دونوں جانب سےہرسطح پرباہمی تعاون کومزیدفروغ کےعزم کااعادہ کیا گیا۔