برطانیہ اورپاکستانی ایئرلائنز کی پروازیں جلد بحال ہونے کا امکان

برطانیہ کیلئےپاکستانی ائیرلائنز کی پروازوں کی بحالی کے معاملے پر برطانوی محکمہ ٹرانسپورٹ کی 7 رکنی ٹیم آڈٹ کیلئےپاکستان پہنچ گئیں۔

ڈی جی سی اے اے نادر شفیع ڈار کی صدارت پاکستان سی اے اے کی ٹیم برطانوی حکام کو بریفنگ دی جائےگی،27 جنوری سے 6 فروری تک برطانوی ٹیم پاکستان سی اے اےکا آڈٹ کرےگی۔آڈٹ میں کامیابی پر پی آئی اےسمیت تمام پاکستانی ائیرلائنز پر 2020 سے برطانیہ میں لگی پابندی ختم ہونےکے قوی امکانات پیدا ہوں گے۔

برطانوی محکمہ ٹرانسپورٹ کی ٹیم پیر سے پاکستان سول ایوی ایشن کا آڈٹ شروع کرے گی، برطانوی ٹیم سی اے اے کے لائسنسنگ، ائیروردینیس، فلائٹ اسٹینڈرڈ سمیت دیگر شعبہ جات کا آڈٹ کرے گی۔

پاکستان سول ایوی ایشن کے حکام نےآڈٹ کی تیاری مکمل کرلی۔