گوہر رشید اور کبریٰ خان نے شادی کا باضابطہ اعلان کردیا

پاکستان کی معروف اداکار جوڑی گوہر رشید اور کبریٰ خان نے شادی کا باضابطہ اعلان کردیا ہے۔

حال ہی میں پاکستان کی معروف اداکار جوڑی گوہر رشید اور کبریٰ خان نے انسٹاگرام اکاؤنٹ پر ایک  ویڈیو پوسٹ کی ہے۔

ویڈیو میں مومل مرزا، شہزاد شیخ اور ان کی اہلیہ، ہمایوں سعید اور دیگر نامور فنکاروں کو دلچسپ انداز میں ’میرے یار کی شادی‘ پر تبصرے کرتے دکھایا گیا ہے۔ ویڈیو کے کیپشن میں لکھا ہے ’آپ کے پیار اور دعاؤں کے ساتھ بسم اللہ‘۔

ویڈیو کے آخر میں گوہر رشید اور کبریٰ خان ایک جیسی ہوڈی میں ملبوس مزاحیہ انداز میں بتاتے ہیں کہ وہی ہیں جن کی شادی ہورہی ہے جس پر کبریٰ خان شرما جاتی ہیں اور گوہر رشید ان کو گلے لگا لیتے ہیں۔