آئی سی سی نے چیمپئنز ٹرافی 2025 کے حوالے سے نیا ٹیزر جاری کر دیا

انٹرنیشنل کرکٹ کونسل (آئی سی سی) نے چیمپئنز ٹرافی 2025 کے حوالے سے نیا ٹیزر جاری کردیا۔

آئی سی سی نے چیمپئنز ٹرافی کے حوالے سے نیا ٹیزر جاری کردیا ہے جس میں پاکستان کے شاہین آفریدی اور شاداب خان شامل ہیں۔

ٹیزر میں انگلینڈ کے فل سالٹ بھی شاہین اور شاداب کے ہمراہ موجود ہیں، ٹیزر کو مشہور ریسلنگ ٹیم ’’شیلڈز‘‘ سے مشابہت دی گئی ہے۔

چیمپئنز ٹرافی کا ہائی وولٹیج پاک بھارت میچ 23 فروری کو شیڈول ہے جو متحدہ عرب امارات میں کھیلا جائے گا۔

شاہین، شاداب اور فل سالٹ نے ’’شیلڈز‘‘ کے روایتی انداز کو اپنایا ہے جب کہ آئی سی سی نے تینوں کھلاڑیوں کو ’’فیلڈ‘‘ کا لقب دیا ہے۔ آئی سی سی کا ٹیزر چیمپئنز ٹرافی کی پروموشن کا حصہ ہے۔

یاد رہے کہ آئی سی سی چمپئنز ٹرافی 19 فروری سے شروع ہونے جارہی ہے جس میں پہلا میچ پاکستان اور نیوزی لینڈ کی ٹیموں کے درمیان کراچی میں کھیلا جائے گا۔