سٹیزن شپ ایکٹ 1954 میں ترامیم کے سی سی ایل سی کے فیصلے کی توثیق

 وفاقی کابینہ  کے اجلاس میں  ریاستی ملکیتی اداروں پر کابینہ کمیٹی کے فیصلوں کی توثیق کر دی  گئی۔  

تفصیلات کے مطابق وزیراعظم محمد شہباز شریف کی زیرصدارت وفاقی کابینہ  کا  اجلاس ہوا،جس  میں  اہم فیصلوں کی توثیق کردی گئی   ہے۔ 

ذرائع کے مطابق وفاقی کابینہ نے سٹیزن شپ ایکٹ 1954 میں ترامیم کے سی سی ایل سی کے فیصلے اور  ریاستی ملکیتی اداروں پر کابینہ کمیٹی کے فیصلوں کی توثیق کر دی  ہے۔  

ذرائع کا کہناہے  کابینہ نے پاکستان ٹیلی ویژن کے بزنس پلان کی منظوری کے فیصلے کی توثیق کرتے  ہوئے کہا ہے کہ   بزنس پلان کے تحت پبلک پرائیویٹ پارٹنرشپ اور منافع بخش مارکیٹنگ شراکت داری پر کام کیا جائے گا، اخراجات میں کمی کے لیے پی ٹی وی کی 5442 آسامیوں میں سے 1232 ختم کر دی گئیں  ہیں، کابینہ نے ریڈیو پاکستان کی بحالی کے لیے بھی بزنس پلان کی منظوری کے فیصلے کی توثیق کر دی  ہے۔  

ٹیکنالوجی اپگریڈیشن اینڈ سکلز ڈویلپمنٹ کمپنی (ٹسڈیک) کے بورڈ اف ڈائریکٹرز کی تنظیم نو کی منظوری کے فیصلے کی توثیق   کردی ، ،کراچی ٹولز، ڈائز اینڈ مولڈ سینٹر کے بورڈ کی تنظیم نو کی توثیق ، کابینہ نے ٹسڈیک کے بورڈ میں نجی شعبے سے 6افراد کے تقرر کی منظوری  دیدی  ہے