رجب طیب اردوا ن کا شہباز شریف کو ترک ساختہ الیکٹرک کار کا تحفہ

ترکیہ کے صدر رجب طیب اردوان نے وزیراعظم محمد شہباز شریف کو ترک ساختہ الیکٹرک کار کا تحفہ دیا۔

وزیراعظم محمد شہباز شریف نے ترک الیکٹرک کارخود ڈرائیو کی، ترک صدر ان کے برابر والی نشست پر بیٹھے۔

وزیراعظم نے الیکٹرک کار کا تحفہ دینے پر ترک صدر رجب طیب اردوان کا شکریہ ادا کیا۔

واضح رہے کہ رجب طیب اردوان نے پاکستان کا دورہ کیا اور پاک ترکیہ تعلقات کو مزید بڑھانے کا عندیہ بھی دیا پاکستان اور ترکیہ کے درمیان مزید مفاہمتی یاداشت پر دستخط بھی ہوئے ۔