لاہورمیں نویں تین روزہ فیض احمد فیض فیسٹیول کی تقریبات جاری

لاہور: الحمرا آرٹس کونسل لاہور میں فیض احمد فیض فیسٹیول کی تقریبات جاری ہیں۔
الحمرا آرٹس کونسل میں تین روزہ نویں فیض فیسٹیول کا آغاز ہوا جس میں  بھارت سمیت دنیا بھر سے ادیب، لکھاری، آرٹسٹ اور سیاستدان میلے میں شرکت کررہے ہیں۔
فیسٹیول کے پہلے روز تصویری نمائش سمیت مباحثے کا انعقاد ہوا جبکہ اس موقع پر خصوصی ڈاکیومینٹری بھی پیش کی گئی۔
پہلے روز بھارت سے اداکارہ نندیتا داس اور اتل تیواری سمیت بیس افراد کے وفد نے خصوصی شرکت کی،جبکہ رکن سندھ اسمبلی مہتاب راشدی، تسلیمہ ہاشمی اور فیض کے چاہنے والے کثیر تعداد میں شریک ہوئے فیض احمد فیض کی ادبی خدمات کا احاطہ کرتی تصویری نمائش پیش کی گئی۔ 

بھارتی مندوبین کہتے ہیں فیض انقلابی شخصیت تھے۔ انکی شاعری انسانی حقوق کی علم بردار ہےپاکستانی ادبیوں اور فنکاروں کا کہنا تھا کہ فیض میلہ دور حاضر کی ضرورت ہے۔
 ایسی تقریبات سے نوجوان نسل کو فیض احمد فیض کا پیغام پہنچانے میں آسانی ہو گی،دوسرے روز رقص پرفارمنس، فیض احمد فیض پر بنائی گئی فلم اور مباحثے سمیت پنجابی مشاعرے کا بھی انعقاد کیا جائے گا۔