محکمہ موسمیات نےملک کے مختلف اضلاع میں بارشوں کی نوید سنادی

لاہور:محکمہ موسمیات نے ملک کے مختلف اضلاع میں بارشوں کی نوید سناد ی۔
محکمہ موسمیات کے مطابق طویل خشک سالی کے بعد 18فروری سے20فروری تک بارش کا سسٹم پاکستان میں داخل ہوگا جس کے نتیجے میں9 اور 20 فروری کو ملک کے بیشتر علاقوں میں بارشیں متوقع ہیں، جبکہ بالائی علاقوں میں برفباری کا بھی امکان ہے۔ گلگت بلتستان اور آزاد کشمیر کے بلند مقامات پر شدید برفباری ہو سکتی ہے۔
محکمہ کی جانب سے بتایا گیا ہے کہ اس دورانیے میں اسلام آباد، راولپنڈی، اٹک، جہلم، چکوال اور اندرونِ پنجاب بارشوں کا امکان ہے۔
 بلوچستان کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔تا ہم کوئٹہ ، زیارت، قلعہ عبداللہ، چمن ،پشین اور گردونواح میں تیز ہوائیں چلنے اور چند مقامات پر ہلکی بارش اور پہاڑوں پر ہلکی برفباری ہو سکتی ہے ۔