رمضان المبارک کے دوران سرکاری دفاتر کے نئے اوقات کارجاری 

لاہور: پنجاب حکومت نے رمضان المبارک کے دوران سرکاری دفاتر کے اوقات کار جاری کر دیئے۔
اس حوالے سےچیف سیکرٹری پنجاب کی جانب سےنئے اوقات کار کا نوٹیفکیشن جاری کر دیا گیا ہے ۔
 نوٹیفکیشن  کے مطابق ہفتے میں پانچ دن کام کرنے والے دفاتر کے اوقات کار پیر سے جمعرات صبح 9 بجے سے دوپہر 3 بجے تک ہوں گے، جبکہ ہفتے میں چھ دن کام کرنے والے دفاتر کے اوقات کار صبح 9 بجے سے دوپہر 2 بجے تک ہوں گے ۔
 جمعہ کو اوقات کار صبح 9 بجے سے دوپہر 12:30 بجے تک ہوں گے۔
اسی طرح وفاقی حکومت کے ماتحت سرکاری اداروں میں رمضان المبارک کے اوقات کار جاری کر دیئے گئے۔
 اسٹیبلشمنٹ ڈویژن کے نوٹیفکیشن کے مطابق ہفتہ کے 5 دن کام کرنے والے سرکاری دفاتر کے اوقات کار صبح 9 سے 3 بجے جبکہ رمضان المبارک کے دوران ہفتہ کے 6 دن کام کرنے والے سرکاری دفاتر کے اوقات کار صبح 9سے دوپہر 2بجے تک ہوں گے۔
 مزید برآں جمعتہ المبارک کو سرکاری دفاتر کے اوقات کار صبح 9 سے ساڑھے 12 بجے تک ہوں گے۔