محکمہ موسمیات کی ملک کے چند مقامات پر بارش اور برفباری کی پیشگوئی

لاہور:محکمہ موسمیات نے ملک کے چند مقامات پر بارش اور برفباری کی پیشگوئی کی ہے۔
محکمہ موسمیات کے مطابق ملک کے بیشتر اضلاع میں موسم خشک جبکہ بالائی علاقوں میں سرد رہنے کا امکان ہے۔
محکمہ موسمیات کے مطابق وفاقی دارالحکومت اسلام آباد میں موسم سرد اور خشک رہنے کا امکان ظاہر کیا گیا ہے، جبکہ پنجاب کے بالائی علاقوں مری، گلیات اور گرد و نوا ح میں مطلع جزوی ابر آلود رہنے کی توقع ہے۔
صوبہ خیبر پختونخوا کے علاقوں دیر، چترال، سوات اور گرد و نواح میں بارش و برفباری کی پیشگوئی کی گئی ہے، گلگت بلتستان میں مطلع جزوی ابر آلود رہنے کے علاوہ چند مقامات پر گرج چمک کے بارش اورپہاڑوں پر برفباری کا امکان ہے۔
بلوچستان کے بیشتر اضلاع میں سردی کی شدت برقرار رہے گی،محکمہ موسمیات نے سندھ میں موسم خشک رہنے کا امکان ظاہر کیا ہے۔
علاوں ازاں محکمہ موسمیات نے رمضان المبارک کے آغاز میں ملک بھر میں بارش کی پیشگوئی کی ہے۔
محکمہ موسمیات کے مطابق ملک بھر میں 2 اور 3 مارچ کو  شدید بارش اور پہاڑوں پر برفباری متوقع ہے۔