بلاول بھٹو زرداری سے بلوچستان اور سندھ کے وزرائے اعلیٰ   کی  بلاول ہاؤس میں ملاقات

چیئرمین پاکستان پیپلزپارٹی بلاول بھٹو زرداری سے بلوچستان اور سندھ کے وزرائے اعلیٰ  نے  بلاول ہاؤس میں ملاقات  کی  ہے۔  

تفصیلات کے مطابق  دوران  ملاقات چیئرمین بلاول بھٹو زرداری کو سندھ اور بلوچستان کے وزرائے اعلیٰ  نے اپنے اپنے صوبوں کی حکومتی کارکردگی اور انتظامی مسائل سے آگاہ کیا ۔  

چیئرمین بلاول بھٹو زرداری کو وزیراعلی ٰبلوچستان میرسرفراز بگٹی نے صوبے کی سکیورٹی  کی صورت حال پر بریفنگ دی، وزیراعلی ٰسندھ سید مراد علی شاہ نے صوبے میں جاری ترقیاتی منصوبوں کے بارے میں آگاہ کیا ۔  

چیئرمین  پیپلزپارٹی  نے ہدایات جاری کرتے ہوئے کہا  کہ سندھ اور بلوچستان کے عوام کے مسائل کے حل کے لئے ہر ممکن اقدامات بروئے کار لائے جائیں ۔