سعودی سفیر اور نائب وزیر اعظم کی ملاقات ، موجودہ تعلقات کو مزید مضبوط بنانے کے عزم

سعودی عرب کے سفیر نواف بن سعید احمد المالکی نے نائب وزیراعظم اسحاق ڈار سے آج (پیر کو )اسلام آباد میں ملاقات کی۔

ملاقات کے دوران دونوں ملکوں کے درمیان بالخصوص تجارت اور سرمایہ کاری کے شعبوں میں موجودہ تعلقات کو مزید مضبوط بنانے کے عزم کا اظہار کیا گیا۔

اسحاق ڈار نے بھی سعودی عرب کی قیادت اور عوام کو رمضان المبارک کی مبار کباد دی۔

سعودی سفیر نے نائب وزیراعظم اور پاکستان کے عوام کو رمضان المبارک کی مبارکباد دی ۔