بلوچستان کے ضلع تربت سے 3 افراد کی تشدد زدہ لاشیں برآمد

تربت:صوبہ بلوچستان کے ضلع تربت سے 3 افراد کی تشدد زدہ لاشیں برآمد ہوئی ہیں۔
 لیویز فورس نے لاشیں تحویل میں لے کر تھانے منتقل کردیں جبکہ جاں بحق افرد کی شناخت نہیں ہوسکی۔
پولیس حکام کے مطابق تربت کے علاقے بلیدہ سے تشدد زدہ 3 افراد کی لاشیں ملی ہیں، اطلاع کے مطابق بلیدہ گردانک سے گزشتہ شب 3 تشدد زدہ لاشیں ملیں جنہیں شدید تشدد کے بعد گولیاں مار کر ہلاک کر دیا گیا۔
لیویز فورس نے تینوں لاشیں اپنی تحویل میں لے کر لیویز تھانہ منتقل کردیں تاہم ابھی تک ان کی شناخت نہیں ہوسکی۔