اسلام آباد ہائیکورٹ کے قائم مقام چیف جسٹس اور ججز کے درمیان لڑائی میں شدت

اسلام آباد ہائیکورٹ کے قائم مقام چیف جسٹس اور ججز کے درمیان اختیارات کے حوالے سے لڑائی شدت اختیار کر گئی ہے۔

جسٹس بابر ستار نے سروس سے متعلق کیس کی سماعت سے معذرت کرتے ہوئے کیس کو نئے بنچ کی تشکیل کے لیے واپس بھیج دیا۔

تاہم، قائم مقام چیف جسٹس کی ہدایت پر کیس دوبارہ جسٹس بابر ستار کے سامنے مقرر کرنے کے بعد اہم آرڈر جاری کیا گیا۔

ان کا کہنا تھا کہ 14 مارچ کو یہ کیس دوسرے بنچ کے سامنے مقرر کرنے کے لیے واپس بھیجا گیا تھا، لیکن ناقابلِ فہم طور پر کیس کی فائل دوبارہ اس عدالت کو بھیج دی گئی ہے۔

جسٹس بابر ستار نے عدالت کو بتایا کہ کیس کو ڈپٹی رجسٹرار کو نئے بنچ کے سامنے مقرر کرنے کے لیے بھیجنے کا تحریری آرڈر جاری کر دیا گیا ہے۔