انگلینڈ کرکٹ ٹیم کے 7 ارکان کے کورونا ٹیسٹ مثبت آگئے

تفصیلات کے مطابق انگلینڈ کرکٹ ٹیم  کے 4 کھلاڑیوں سمیت 7 افراد کا کورونا  ٹیسٹ مثبت آگیا  ۔ انگلینڈ کرکٹ بورڈ نے کھلاڑیوں اور آفیشلز کے کورونا مثبت  ہونے کی تصدیق کر دی  ہے ۔ پاکستان اور انگلینڈ کے سیریز شیڈول کے مطابق ہوگی جبکہ   انگلینڈ ٹیم کی قیادت اب بین اسٹوکس کریں گے ۔ حکومتی قوانین کے مطابق کورونا مثبت آنے والے قرنطینہ کریں گے جبکہ انگلینڈ کرکٹ ٹیم کے باقی ارکان کو بھی آئسولیشن میں بھیج دیا  گیا ہے۔

خیال رہے کہ گزشتہ رو زانگلینڈ نے پاکستان کے خلاف ہونے والی ہوم ون ڈے انٹرنیشنل سیریز کے لیے 16 رکنی اسکواڈ کا اعلان کیا ۔ پاکستان اور انگلینڈ کے خلاف 3 ون ڈے انٹرنیشنل سیریز کا پہلا میچ جمعرات 8 جولائی کو شام پانچ بجے کارڈف میں کھیلا جائے گا۔

انگلینڈ میں موجود قومی کرکٹ ٹیم کو انگلینڈ میں 3 ون ڈے کھیلنے ہیں، بقیہ میچز  10 اور 13 جولائی کو کھیلے جائیں گے، انگلینڈ کے خلاف ٹی ٹوئنٹی میچز 16 ، 18 اور 20 جولائی کو ہوں گے۔