مارچ 2025 میں تجارتی خسارے میں کمی ریکارڈ

مارچ 2025 میں تجارتی خسارے میں کمی ریکارڈ کی گئی ہے۔

ادارہ شماریات کی رپورٹ کے مطابق مارچ 2025 میں تجارتی خسارے میں 8 فیصد کمی واقع ہوئی جو کہ 2.11 ارب ڈالر رہا۔

رپورٹ میں بتایا گیا ہے کہ مارچ 2025 میں درآمدات میں ماہانہ 1 فیصد کمی آئی اور یہ 4.73 ارب ڈالر تک پہنچ گئیں جب کہ برآمدات میں ماہانہ 5 فیصد اضافہ ہوا اور یہ 2.61 ارب ڈالر تک پہنچیں۔

ادارہ شماریات کا کہنا ہے کہ رواں مالی سال کے پہلے 9 ماہ میں تجارتی خسارے میں 5 فیصد اضافہ ریکارڈ کیا گیا جو کہ 17.90 ارب ڈالر رہا۔ گزشتہ مالی سال کے 9 ماہ میں تجارتی خسارہ 17.12 ارب ڈالر تھا۔

ادارہ شماریات نے بتایا کہ یہ کمی فروری کے مقابلے میں آئی ہے جس سے ملک کی معاشی صورتحال میں بہتری کی علامت ظاہر ہو رہی ہے۔