حکومت سندھ کا تعلیمی بورڈز کے لیے مستقل چیئرمینز کی تعیناتی کا فیصلہ

سندھ حکومت نے صوبے کے تعلیمی بورڈز کے لیے مستقل چیئرمینز کی تعیناتی کا فیصلہ کیا ہے، اور اس حوالے سے نوٹیفکیشن جاری کر دیا گیا ہے۔

سندھ حکومت نے سرچ کمیٹی کی سفارشات کی بنیاد پر چیئرمینز کو فوری طور پر عہدوں کا چارج لینے کی ہدایت کی ہے۔ اس کے ساتھ ہی تعلیمی بورڈز میں سربراہ کی تعیناتی کے لیے جاری حکم امتناع بھی منسوخ کر دیا گیا ہے۔

تعلیمی بورڈز میں چیئرمینز کی تعیناتی کے خلاف دائر کی گئی آئینی درخواست مسترد کر دی گئی ہے اور تعلیمی بورڈز میں چیئرمینز کی تعیناتی پر فوری عملدرآمد کا حکم دے دیا گیا ہے۔

محمد مصباح تنہیو کو بورڈ آف انٹرمیڈیٹ کا چیئرمین مقرر کیا گیا ہے، جبکہ غلام حسین سہو کو میٹرک بورڈ کراچی کا چیئرمین نامزد کیا گیا ہے۔