لاہور سے پاکستان سپر لیگ10 کی تشہیری مہم کا آغاز کر دیا گیا

لاہور میں 11 اپریل سے شروع ہونے والی پاکستان سپر لیگ(پی ایس ایل) 10 کی تشہیری مہم کا آغاز کر دیا گیا۔

 لاہور کے علاقے گلبرگ مین بلیوارڈ اورلبرٹی مارکیٹ چوک کو پی ایس ایل کی ٹیموں کے ناموں سے سجا یا گیا ہے۔

اس کے علاوہ دیو ہیکل پی ایس ایل ایکس بھی شائقین کی توجہ کا مرکز بنا ہوا ہے ۔مین بلیوارڈ پر رنگ برنگی رشنیوں سے ماحول جگمگا رہا ہے ۔

 شہریوں کی بڑی تعداد ان سجاوٹوں کےساتھ تصویریں بناتی رہی ہے۔

واضح رہے کہ اس سال پاکستان سپر لیگ سیزن 10 کا آغاز 11 اپریل سے ہوگا، یہ ایونٹ 18 مئی تک کراچی، لاہور، ملتان اور راولپنڈی میں منعقد ہوگا۔