پی ایس ایل 10 کی رنگا رنگ افتتاحی تقریب کل راولپنڈی میں ہو گی 

پاکستان سپر لیگ (پی ایس ایل )کا 10 کا رنگا رنگ آغاز کل راولپنڈی میں اسلام آباد اور لاہور کے درمیان میچ سے ہوگا۔
راولپنڈی کرکٹ اسٹیڈیم میں ہونے والی افتتاحی تقریب میں ملک کے مشہور فنکار اپنے فن کا مظاہرہ کریں گے۔ 
افتتاحی تقریب میں عابدہ پروین، علی ظفر، ابرار الحق، نتاشہ بیگ، طلحہ انجم اور ینگ اسٹنرز پرفارم کریں گے،شائقین کی دلچسپی کے لیے آتشبازی کا خوبصورت مظاہرہ بھی ہوگا۔
ٹورنامنٹ 4 مقامات پر کھیلا جائے گا جن میں کراچی کا نیشنل بینک اسٹیڈیم، لاہور کا قذافی سٹیڈیم، ملتان کرکٹ سٹیڈیم اور راولپنڈی کرکٹ سٹیڈیم شامل ہے۔
 پی ایس ایل کا افتتاحی میچ رات ساڑھے آٹھ بجے شروع ہوگا،جبکہ ٹورنامنٹ کا فائنل18 مئی کو قذافی اسٹیڈیم لاہور میں کھیلا جائے گا۔