دریائے سندھ پر نہروں کی تعمیر کے خلا ف پی ٹی آئی نے قرار داد قومی اسمبلی میں جمع کروا دی

اسلام آباد:پاکستان تحریک انصاف (پی ٹی آئی )نے دریائے سندھ پر نئی کینالوں کے خلاف قومی اسمبلی میں قرارداد جمع کرا دی ۔ 
قرار دادپوزیشن لیڈر عمر ایوب کی طرف سے زرتاج گل، احمد چھٹہ اور علی محمد خان نے قرارداد جمع کروائی۔
تفصیلات کے مطابق دریائے سندھ کے پانی اور نہریں بنانے کا معاملے پر تحریک انصاف کی پارلیمانی لیڈرزرتاج گل اسپیکر آفس پہنچ گئیں۔
قرارداد کے متن میں کہا گیا ہے کہ وفاقی حکومت نہروں کےمعاملے پر15 روز میں مشترکہ مفادات کونسل کا اجلاس بلائے،دریائے سندھ پر نہروں کی تعمیر فوری روکی جائے۔ ارسا کو آزادانہ آڈٹ کیاجائے اور رپورٹ ساٹھ روز میں ایوان میں پیش کی جائے۔
اس موقع پر سابق وفاقی وزیر زرتاج گل کا کہنا تھا کہ سندھ میں نئی نہریں نکالنے پر بے چینی ہے مشترکہ مفادات کونسل کا اجلاس بلائے بغیر ایسے حساس فیصلے کیے جا رہے ہیں۔